Еден од омилените членови на жирито во шоуто „Никогаш не е доцна“, судејќи според реакциите на публиката, е пејачката Неда Украден, која со години со задоволство ја прифаќа поканата на Жика Јакшиќ.
Сепак, малкумина знаат каков однос имаат Неда Украден и Жика приватно, надвор од работа и снимање.
– Приватно не седиме, не пиеме кафе, но имаме меѓусебна голема почит. Неговата емисија навистина има многу личен печат и тоа ми се допаѓа, бидејќи не е шаблон или некоја купена лиценцирана програма за шоу. Прекрасно е што Жика сите овие емисии ги бои со лични емоции, кои публиката ги препознава, а јас сум донекаде слична на него, па имаме многу заеднички работи – откри таа во интервју за Гранд.
Пејачката признала и дека музичкото шоу „Никогаш не е доцна“ и е едно од омилените, поради што со нетрпение го очекува секое гостување во студиото на Гранд.
– Ова е прекрасно шоу и секогаш ми е задоволство да бидам член на ова жири. Убаво е да се слушнат овие кандидати бидејќи тие се луѓе кои навистина знаат да пеат. Поради некоја причина, тие не направија кариера, но мислам дека ова е прекрасна шанса да се слушнат прекрасни пејачи и добри песни, а воедно и да се помине одлично дружејќи се надвор од сцената – нагласи Неда и додаде:
– Јас сум човек кој сака добра песна, без разлика дали е тоа народна или забавна музика, и не ја делам музиката во ниту една од тие класи. Ќе ми биде драго да слушнам нешто интересно бидејќи сигурна сум дека ќе има многу добри песни во шоуто, знам дека кандидатите знаат да изберат.
фото: printscreen/instagram/nikadnijekasno_official
