Како дете, Драгана Мирковиќ преживеала тешка операција поради која имала кошмари, а нејзиниот кум го сметал тоа за знак дека ќе стане нешто посебно.
Иако не се срами да зборува за својот живот и растењето во јавноста, Драгана Мирковиќ ретко ја споменува тешката операција што ја имала во раното детство.
– Имав една година кога ги забележаа моите исчашени колкови. Во тоа време тоа беше голем проблем. Се соочував со операција со мали шанси за успех, таквите деца остануваа со пократка нога. Моите родители беа очајни, мајка ми многу плачеше. Беше трагедија да имам женско дете кое нема да може да оди правилно. Нашиот стар кум ѝ рекол: „Не плачи, тоа дете ќе биде нешто посебно“. До втората година бев во болници, долго време во гипс, на терапии, одвоена од мајка ми затоа што не ѝ дозволуваа да биде со мене – се присети Драгана Мирковиќ, која долго време имала кошмари поради траумата што ја доживеала.
– Тоа беше ужасна траума за мене, долго време се плашев од болницата, имав кошмари. Кошмарите траеја до тинејџерските години. Се будев врескајќи од страв. Откако одев како што треба, не можеа да ме сопрат, да ме натераат да седнам да јадам. Бев многу немирно дете. Знаев да возам со велосипед и да не се вратам цело попладне. Одеднаш, во седмо одделение од основно училиште, се променив, едноставно ми беше непријатно да бидам немирна и се смирив. Подоцна се покажа дека нашиот кум е добар пророк – изјави Драгана за локалните медиуми.
фото:Instagram printscreen/dragana_mirkovic
