Живот и Стил

Кои промени се случуваат во нашето тело по година дена работа од дома?

Кои промени се случуваат во нашето тело по година дена работа од дома?

Помина една година од пандемијата на COVID-19, а многу компании практикуваат работа од дома, доколку има услови за тоа. Работата од дома можеби звучи привлечно, но кога од креветот сакате да направите канцеларија тоа и не е баш здраво на психички и физички план.

За многу луѓе работата од дома е еквивалент на работа од кревет. Наместо станување од креветот, облекување и заминување на работното место, доволно е да одиме во бањата, да се измиеме, да свариме кафе, да го земеме лаптоп компјутерот и да си се вратиме во креветот.

Според новите анкети, изненадувачки е голем бројот на млади луѓе кои во текот на пандемијата работата ја вршат од кревет, што самото по себе влече низа здравствени проблеми.

Дури и ако сега не забележите, несаканите ефекти од ваквиот вид работа можат да бидат трајни и да се јават подоцна во животот.

Експертите велат дека без разлика на тоа дали имате можност да избегнете работа од кревет или не, тоа секако не е добро за телото бидејќи е многу важно да ја менувате положбата.

Вратот, грбот и колковите се оптоварени кога се на помека површина. Поголема е веројатноста младите луѓе да станат жртви на ваквите навики бидејќи нема веднаш да ги почувствуваат последиците.

Во зависност од тоа каков стил на живеење сте воделе зависи и колкава ќе биде штетата кога ќе остарите. Тие болести можат да вклучат само главоболки, но можат да се прошират и на трајна вкочанетост во грбот, артритис, болки во коските и мускулите во вратот.

Кога работите година дена од кревет не го уништувате само телото, тоа негативно влијае и на продуктивноста и навиките на спиење.

„Ние обично препорачуваме креветот да го користите за три работи – спиење, секс и кога сте болни. И тоа е тоа“, вели Рејчел Салас, невролог и експерт за спиење од Универзитетот Џон Хопкинс во Мериленд. „Колку повеќе гледате телевизија, играте видеоигри, а помалку спиете, вашиот мозок учи дека е во ред да ја правите која било активност во кревет“, додава таа.

извор: Кајгана