Живот и Стил

Ви загорел ручекот? Не го фрлајте – со овие 6 трикови можете да го спасите секое јадење

Ви загорел ручекот? Не го фрлајте – со овие 6 трикови можете да го спасите секое јадење

Ако секој ден готвите ручек, сигурно ви се случило за миг да ја напуштите кујната и за тоа време ручекот да изгори.

Тоа не е причина за грижа. На сите им се случува, па не е ништо страшно и има шанси да го спасите јадењето за тој ден.

Некогаш неквалитетното тенџере е виновно за горењето на ручекот, некогаш затоа што го готвите на многу висока температура, а понекогаш едноставно наше невнимание и едноставно – недостаток на течност во садот за готвење.

И како што велат нашите постари, џабе е да плачете за истурено млеко… Не се нервирајте, само следете ги овие совети и никој нема да забележи дека вашето јадење малку „поцрнело“.

Заменете ја тавата

Ако чувствувате дека вашето јадење е изгорено, брзо префрлете го во друг сад за готвење. Така ќе спречите мирисот на изгорената храна да се прошири на целата друга храна во тенџерето.

Отстранете ги изгорените делови

Ако, на пример, имате изгорено парче месо, едноставно исечете го тој дел од храната со нож. Остатокот ставете го во друг сад и продолжете со готвење на тивок оган. Истото важи и за зеленчукот.

Во тавата додадете неколку излупени компири

Компирот е храна која ги апсорбира мирисите и вкусовите. Значи, ако вашата храна е малку изгорена, компирот може целосно да го впие непријатниот мирис. Откако ќе завршите со готвењето, фрлете ги компирите.

Додадете нешто кисело во садот

Ако сакате да го уништите мирисот на изгореното, додадете малку сок од лимон, оцет, бело вино, црвено вино или домат во садот. Тие треба да го убијат мирисот до одреден степен и да го вратат вашето јадење до неговиот нормален вкус.

Павлака, крем сирење

Исто така, покрај горенаведените состојки, павлаката, киселото млеко или крем сирењето може да омекнат изгорено јадење.

Додадете слатки сосови

Некои од сосовите кои имаат сладок вкус можат да помогнат и кај изгорената храна. Пробајте сос од домати, брусница, пиперка… Можеби ќе ви помогне.

извор:попара.мк