Љубов и Секс

Секс со пријател – да или не?

Секс со пријател – да или не?

Без обврска, гужвањето кревет со некој во чие друштво уживате и кој го познавате во душата, изгледа магично. Во реалноста, знаете дека веројатно нема да успее, но затоа во вашата имагинација… Не е дека некој од вас ќе се заљуби, нели? Па што е проблемот? Што може да тргне наопаку? Во текстот подолу ви откриваме пет големи тајни кои веројатно никој нема да ви ги каже за сексот со пријател.

ВО ВАШИТЕ МИСЛИ ТОА ИЗГЛЕДА МНОГУ ПОДОБРО ОКОЛКУ ВО РЕАЛНОСТА

Кога фантазирате за тоа, го замислувате како совршен чин во кој секоја секунда ќе остане запаметена. Се подразбира дека создавате недостижна цел од целото потенцијално искуство. Големи се шансите да ве водат жешки сцени од филмови, но реалноста често е сосема поинаква.

Самиот почеток би можел да биде многу незгоден, но и за време на сексот може да станете многу несмасни бидејќи не е некој со кој сте во врска. Нешто како за една ноќ со тотален странец, само вие можете да ја повредите оваа личност ако не внимавате, бидејќи тој е ваш пријател.

ВЕРОЈАТНО ТОА ЌЕ ВЛИЈАЕ НА ВАШЕТО ПРИЈАТЕЛСТВО

Можеби мислите дека нема ништо доволно силно за да ви го уништи пријателството, но дали сте размислувале за секс? Лошото сексуално искуство може да ги претвори дури и најдобрите пријатели во најголеми непријатели. Малку работи може да се споредат со лошиот секс кој штотуку се случил меѓу пријатели. Замислете само да поминете ужасна ноќ со личност која ви е пријател, а потоа да се обидувате да продолжите да се дружите, како ништо да не се случило.

МОЖЕ ДА СЕ ПОЈАВИ НЕОЧЕКУВАНА ЉУБОМОРА

Љубомората е чувство кое тешко можеме да го контролираме. Ќе ви се прикраде кога најмалку ја очекувате. Сигурно не очекувате да бидете љубоморни на идните девојки на вашиот најдобар пријател, но доколку сте имале секс со него, шансите за тоа се над 90 отсто. Ова се случува многу почесто отколку што можете да замислите. Можеби првично ќе се борите против ова чувство и ќе го негирате, но ќе разберете дека срцето е она на кое не можете да му наредите, пренесува „zenskimagazin.rs“.

ЌЕ ДОЖИВЕТЕ ОСУДУВАЊА ОД СТРАНА

Иако имате право да го живеете својот живот како што лично мислите дека треба, често ќе се случи луѓето околу вас да коментираат за вашиот избор и да го критикуваат она што не го сметаат за правилно. Тоа е навистина погрешно, но не можеме да кажеме дека не се случува.

Размислете: Дали сте подготвени да се соочите со мислењето на вашето семејство и пријатели за оваа ваша одлука? Дали сте подготвени да им објасните (иако тоа не ги засега) зошто сте се согласиле на оваа ситуација?

МОЖЕТЕ ДА ВЛЕЗЕТЕ ВО МРЕЖАТА НА РОМАНТИЧНИ ЧУВСТВА

Дури и ако сексот со вашиот пријател е пријатно искуство и продолжувате да го практикувате редовно, можеби ќе сфатите дека сте почнале да гледате на него со други очи. Во текот на ноќта би можеле да ви се создадат романтични чувства. Ситуацијата може да се искомплицира доколку тој не се чувствува исто. Би биле пријатели кои се сакаат, но на поинаков начин. Каде ве води тоа? Дали продолжувате да се дружите и да имате повремен секс и да се надевате на врска или пак се вртите и заминувате засекогаш?

извор:попара.мк