Радио Милева
силиконска метаморфоза

Трансформациите на Ана Кораќ: Како и за колку пари старлетата од Ивањица го смени личниот опис во „силиконска кукла“ (ФОТО)

Трансформациите на Ана Кораќ: Како и за колку пари старлетата од Ивањица го смени личниот опис во „силиконска кукла“ (ФОТО)

Силиконската старлета Ана Кораќ прв пат се појави во јавноста како скромно девојче од Ивањица, која береше малини со цел да заработи пари и да му помогне на своето семејство. Нејзините први јавни настапи беа на Инстаграм заедно со старлетата Сораја Вучелиќ. Потоа привлече внимание затоа што молеше да не ја нарекуваат старлета, туку уметник од Ивањица, каде што матурираше во Средното уметничко училиште. Така, таа наводно, се занимавала и со сликарство.

Следуваа повици во реалните шоуа, и по неколку сезони, не само што престана да бере малини, туку и помина повеќе време кај пластичен хирург отколку дома. За неколку години, таа целосно го смени личниот опис. Додека повеќето мажи воздивнуваат по оваа „силиконска кукла“, како што сега ја нарекуваат  на социјалните мрежи, другите се згрозени од пластиката што ја има на себе оваа девојка.

Списокот со нејзините операции се појави во јавноста, па точно се знае колку вложила во „новото јас“, се разбира, само кога станува збор за физичкиот изглед. Повеќето операции ги направила во Турција и започнала, како што обично се случува, со градите и усните. Во два наврати платила околу 3.500 евра за операција на градите, бидејќи не била задоволна, па затоа ги поправила недостатоците со тоа што по втор пат отишла под нож.

„Да, вистина е, ја завршив постапката. Само што го сменив обликот на градите, ќе бидат побујни. За жал, ужасно е, многу ме боли, но јас сум задоволна, едвај чекам да видам како ќе изгледа“ – рекла Ана неодамна по втората операција.

Таа во усните ставала три пати хијалуронска киселина, а бидејќи секоја интервенција чини 250 евра, тоа се вкупно 750 евра само за усните. Ана платила повеќе од просечна плата за операција на очите, бидејќи сакала да има мачкини, па за тоа морала да искешира 800 евра. За да го затегне челото, платила 300 евра на хирургот и 200 евра за пумпање на јаболчниците.

Учесникот во едно реалното шоу, Филип Мијатов, кој се претставуваше како нејзин поранешен партнер, изјавил дека и дал пари за операција на носот.

„Јас и платив намалување на носот, и дадов околу 4.700 евра, плус нешто за дополнителни трошоци. Не знам како се оправда пред мајка и за тоа од каде ги доби парите за скапи работи и автомобили, а нема никаква професија“ –  рече Мијатов во една прилика.

Кораќ го коригирала носот во два наврати, па платила дополнителни 2.300 евра. За светла насмевка, Ана додаде 2.000 евра, а потоа дојде редот и на задникот. Таму, таа мораше да издвои пет илјади евра постапката што беше спроведена во Турција, за да го има резултатот што го посакуваше. Од друга страна, сите естстскизафати бараат чести „поправки“, па затоа Ана е многу често на операционата маса поради корекции.

Колку  го сменила личниот опис, покажуваат фотографиите од младоста на Ана што ги објави на социјалните мрежи. Кораќ моментално ужива во Дубаи, од каде постира фотографии во минијатурно бикини за да покаже со што располага.

И додека многумина велат дека изгледала подобро со необоена коса, па дури и со несредени веѓи додека живеела во Ивањица, има и такви на кои денешниот изглед на Ана Кораќ им е совршен.

Последните денови се шпекулираше дека таа извадила и неколку ребра во Турција, со цел да и го намали струкот и дека платила 7.000 евра за таа интервенција.

Фото: Фејсбук и Инстаграм принтскрин/ana_korac

Останати вести од Радио Милева