Радио Милева
Разголена сареде џаде

Пази како возиш, на патот има дупка… пардон, ја има Љупка! (ФОТО)

Пази како возиш, на патот има дупка… пардон, ја има Љупка! (ФОТО)

Најпознатата македонска модна блогерка или подобро кажано, понежната половина од љубовнота двојка Спејко и Љупка, згодната струмичанка Љупка Митрова има нова тактика како да го привлече на себе вниманието. Нејзината генијална стратегија за туѓо внимание се вика: позирање на патот!

Нејзините провокативни фотосесии среде џаде се најновиот хит на социјалните мрежи. На нив сексапилната струмичанка во разни пози, во различна гардероба која најчесто доволно открива за да не покрива таму каде што се фокусираат сите погледи, на различни локации…

Па така имате: Љупка во дивина на кривина…

…Љупка на и крај банкина пред кривина, клекната на автопатот…

…Љупка на полна линија по стариот регионален пат…

…Љупка на локален пат без асфалт…

…Љупка во еротски набој пред опасен завој на влажен коловоз…

Ма, нема пат со или без дупка, каде што ја нема Љупка!

Затоа безбедносните органи задолжени за сообраќајот почнаа сероиозно да бидат загрижени. Се шушка дека поединци во РСБСП почнале да размислуваа да предложат да се постави нов знак на македонските друмови. И тоа од оние знаци за предупредување и општа опасност: „Љупка на патот“!

Само додека тие се одлучат, Љупка отиде подалеку. По друм одам, по друм итам и се сликам… па згодната убавица стигна и до Охрид.

А штом Љупка се појави на пристаниште, следува нова беља. Капетанијата е на нозе! Сега и водениот или поточно езерскиот сообраќај е доведен во опасност!

Ај да те видам оди паркирај и прикотви го бродот, а да не заринкаш во пристаниште кога Љупка ќе се појави крај брегот?

Единствено кајчарите се задоволни. „Дан’ требит кајче? Требит! И не морат нигде да возит! Нека си стоит  укотвено онде, до брегон… Со поглед на Љупка… Овај, пардон, со поглед на пристаниште… З’ш езероно го имаме видено“!