Радио Милева
Емоции на тон

„Оваа најмногу доловува колку те сакам“: Каролина Гочева со специјална роденденска честитка за Елена Ристеска (фото)

„Оваа најмногу доловува колку те сакам“: Каролина Гочева со специјална роденденска честитка за Елена Ристеска (фото)
фото:елена ристеска/инстаграм принтскрин

Таа е пролетно дете, родена во најубавиот дел од годината, месец април кога цути пролетта и буди убави чувства.

Тоа е периодот кога е роденден на нашата популарна пејачка Елена Ристеска која вчера (27. Април) наполни 35 години.

Разбирливо и очекувано, нејзините профили на социјалните мрежи беа преполни со роденденски честитки и желби за се’ најдобро, а славеничката не заобиколи да сподели дека својот роденден го прославила на отворено со неколку најдобри пријателки.


Тие ја израдуваа со виолетова торта со пеперутки, букет од јоргован и секако музика која ја слушаа,а изборот падна на Лана Дел Реј, Мајкл Џексон, но и еден од албумите на Елена.

фото:елена ристеска/инстаграм принтскрин

Од многуте честитки пак, онаа што се издвои во фокусот беше од колешката и пријателка на Елена, Каролина Гочева која се потрудила да ја најде вистинската фотографија која ги опишува нејзините емоции кон Елена.

фото:елена ристеска/инстаграм принтскрин

-Среќен роденден на мојата убавица, паметница и вредница Елена Ристеска. Ископав милион заеднички слики, ама оваа најмногу доловува колку те сакам – пишува Каролина во описот на фотографијата, а ниту Елена не остана должна:

фото:елена ристеска/инстаграм принтскрин

-Фала маче мое, да сме вака една до друга цел живот како што ни се родендените. И јас те сакам до месечината и назад – и возврати Елена на Каролина која исто така е родена во месец април, односно следниот ден по роденденот на Елена, односно денес 28.Април.

Среќен роденден!

Останати вести од Радио Милева