Радио Милева

„Не сум утрински човек, но се радувам на своето прво патување во Израел“: Тамара Тодевска замина во Тел Авив

„Не сум утрински човек, но се радувам на своето прво патување во Израел“: Тамара Тодевска замина во Тел Авив

Изборот за песна на „Евровизија“ оваа година ќе се одржи во Тел Авив, Израел.

Наша претставничка е Тамара Тодевска која ќе не претставува со песната „Proud“.

Имено, Тодевска неодамна ја објави песната и видео записот за песната, а веднаш доби позитивни коментари и еден куп реакции.

Многумина коментираат дека ова е досега најдоброто нешто, а ако судиме по коментарите на социјалните мрежи, Тамара е на добар пат да се пласира на повисоко место.

Тодевска истакна дека нејзини придружни вокали ќе бидат Антониа Гиговска, Андријана Јаневска и Васил Гавранлиев.

фото: принтскрин/јутуб

Иако се шпекулираше дека можеби на сцената ќе се појави и нејзината сестра Тијана Дапчевиќ, пејачката истакна дека нема да оди во Израел, туку ќе остане во Белград да ја чува Хана.

Тодевска полека се подготвува за Евровизија, а вчера замина во Тел Авив каде ќе ја сними видео разгледницата.

фото: принтскрин/инстаграм

Таа на својот „Фејсбук“ објави фотографија од скопскиот аеродром, а во описот напиша:

„Не сум утрински човек, но навистина му се радувам на своето прво патување во Израел, за да ја снимам мојата евровизиска разгледница. Ве сакам сите“, напиша Тодевска.

Исто така, Тамара во кратките приказни на „Инстаграм“ објави неколку фотографии директно од Тел Авив.

„Добро утро од Тел Авив“ стои во описот на една фотографија.

Инаку, Тамара ќе настапи на 16ти мај, на втората полуфинална вечер.