Радио Милева
ја сфати заблудата?

Македонскиот топ модел беше во кампањата на СДС за локалните избори, а сега фрла дрвја и камења по нив: „Дишеш ли сега слободно Катарина“? (ФОТО+ВИДЕО)

Македонскиот топ модел беше во кампањата на СДС за локалните избори, а сега фрла дрвја и камења по нив: „Дишеш ли сега слободно Катарина“? (ФОТО+ВИДЕО)

Македонската манекенка и топ модел од светски глас, Катарина Ивановска покрај присуството на светските модни писти и рекламирањето на познати светски брендови, дома е позната и по својата активност во некои други општествени сфери.

Деновииве на пример, беше пример како своевиден амбасадор за поддршка на хуманитарната трка „Скопје трча 10К“.

Денес пак, на нејзиниот Инстаграм профил осамнаа и фотографии и пост на кои македонската манекенка влета во најновата кампања „Сакаме Аеродром да дише“, насочена против уништувањето на зеленилото и изградбата на нова висококатница на просторот пред сегашниот „Мајчин дом“ во населбата Јане Сандански!

 

View this post on Instagram

 

@zlatkomarin nesto da kazete?

A post shared by Katarina ivanovska (@katarina_ivanovska) on

Гледајќи од еколошка перспектива на активист за задрав живот и заштита на животната околина, македонската убавица е за секоја пофалба.

Но, ако се вратиме само малку назад, во времето пред промената на, како што актуелната власт милува да го нарекува „бившиот режим“, сеќавањата допираат до фактот дека Катарина Ивановска беше една од јавните личности  кои беа најгласните  поддржувачи на таканаречената „Шарена револуција“ која заврши со дузина советнички места во кабинетите на сегашната власт.

Нешто подоцна, за време на кампањата за локалните избори во 2017 година, Катарина Ивановска  отворено застана на страната на сегашната власт, вклучувајќи се во кампањата на тогашниот кандидат, сега актуелен градоначалник на град Скопје, Петре Шилегов!

„Со големото насилство што му се случи на градот, со сите поделби на луѓето, со целиот хаос во архитектурата, сообраќајот и комлетното уништување на зеленилото во градот, Скопје стана затворен и загаден град, од кој многу млади сакаат што побргу да заминат во странство. Сакам да дишеме чист воздух, а за градоначалник да имаме човек кој сака, може и знае да се бори со загадувањето и од Скопје ќе направи модерен европски град во кој ќе дишеме слободно“ – агитираше тогаш во рекламните партиски видеа за кампањата на СДС македонскиот топ модел.

По фотографиите и постот за она што му се случува на „Аеродром“ кои денес Катарина ги постираше на својот инстаграм профил покрај „будната еколошка свест“ на манекенката се наметнува и дилемата: Дали   сега осознаената Катарина Ивановска ја сфатила заблудата?

Конечно, и да е и да не е, останува прашањето: „Дишеш ли сега слободно Катарина?“

Останати вести од Радио Милева