Радио Милева
љубов на дистанца

Македонската пејачка не отиде да преговара за името, ама сепак го натера Гркот да дува и на ладно! (ФОТО)

Македонската пејачка не отиде да преговара за името, ама сепак го натера Гркот да дува и на ладно! (ФОТО)

Откако си ја проба среќата во „Ѕвездите на Гранд“ каде остави навистина солиден впечаток иако не продолжи понатаму, Елена Миленковска и се посвети на љубовта и приватниот живот. Имено, малкумина знаат дека македонската пејачка е во љубовна врска со момче од нашиот јужен сосед.

Тие веќе некое време се заедно, па иако километри раздалечени, нивната врска сепак функционира и на далечина… Или поточно на релација Солун – Скопје и обратно. Тој не го знае нашиот, таа нивниот јазик, ама затоа јазикот на љубовта го знаат обајцата, па оставаат повеќе очите да зборуват…

Деновиве Елена замина за Грција. Не, не за да преговара за името, замина да се види со својот сакан, за да биде со него занеговиот роденден. Дали за да им биде позабавно или за да провери со кој се подгиотвува да го прослави роденденот, Елена реши без најава да му приреди роденденско иненадување. Правец домашна адреса,  па на момчето му се „нацрта“ пред врата… И тоа не со празни раце, туку ни помалку ни повеќе, со роденденска торта и запалени свеќички со бројка на годините што тој ги полни на неа.

Вратата сепак ја отвори – тој, пријатно изненаден и вчудевиден од неочекуваната посета… А Елена? Иако не отиде да преговара за името, сепак го натера Гркот да дува… и на ладно! И тоа пред сопствената порта!

Името намерно не му го споменавме. Ќе почекаме прво да слушнеме како тој нас ќе не ослови?!