Радио Милева

Љиљана Петровиќ 12 години по трагичната загуба на Тоше открива што и дал пред смртта

Љиљана Петровиќ 12 години по трагичната загуба на Тоше открива што и дал пред смртта
фото:З.Лончаревиќ/рас Србија

Љиљана Петровиќ, менаџерката која беше во автомобилот со пејачот на кобната вечер, вели дека во нејзиниот дом на ѕидовите се закачени нивните заеднички фотографии.

Времето за Љиљана Петровиќ е бавно од смртта на Тоше Проески. Таа ја остави менаџерската работа веднаш по неговата смрт и целосно се повлече од јавноста. Утре (16.Октомври) навршуваат 12 години откако Тоше трагично загина во ужасна сообраќајна несреќа, но Петровиќ се сеќава на тоа секој ден. За неа, Тоше беше повеќе од соработник.

Љиљана вели дека месец октомври за неа е најтажен месец во годината.

– Се чувствувам лошо. Јас сум болна и не сум добро. Веројатно тагата го направи своето, целиот овој месец не се чувствувам добро и не сум расположена. И така секоја година во овој период. Тажна сум – вели Петровиќ, која започна да работи со Тоше во 2002 година.

фото:принтксрин/фејсбук

– Знаете, работевме толку напорно што во тие пет години од нашата соработка бевме неразделни, делевме ден и ноќ и секој момент. Ги чувам сите подароци од него, тие ми се омилени. Нашите фотографии каде сме насмеани висат на ѕидот. Таму сме среќни и весели и тука и ги чувам безбедни. Го сакам неговиот часовник што тој ми го подари за роденден, последен пат. Засекогаш ќе го чувам, вели таа.

–  Едноставно не сакам да прифатам дека го нема. Јас секогаш се чувствувам лошо во овој период затоа што ме потсетува дека навистина го нема. Не можам да објаснам!, завршува Љиља за еден српски портал.

Останати вести од Радио Милева