Радио Милева
сумирани впечатоци

Ирена Спировска за 2020та: „Оваа година беше да научиме да цениме сè што имаме“

Ирена Спировска за 2020та: „Оваа година беше да научиме да цениме сè што имаме“
фото: Принтскрин/инстаграм/иренаспировска

Останува речиси уште еден месец до крајот на 2020та година, годината која ни наметна нова реалност, нови правила на живот, нова нормалност и година во која речиси сè е ограничено, па дури и гушкањето и бакнувањето со блиските.

Кој би рекол пред 9 месеци дека толку многу ќе се смени светот?

2020-та дефинитивно ќе се памети по коронавирусот кој започна да се шири, да владее и го покори светот. Чумата на 21-иот веќе однесе многу жртви, многумина останаа без родители, баби, дедовци, пријатели, а луѓето живеат во страв и паника.

Короната им ги расипа плановите на многумина, па им се изнасмеа на луѓето в лице, покажувајќи дека не треба да прават долгорочни планови, бидејќи не знаеме што не чека утре.

Естрадните уметници се на принуден продолжен одмор, со месеци немаат настапи, а и ретко кој  издаде песна, видеоспот, албум…

Најголемиот дел од времето го поминуваат во своите домови и преку социјалните мрежи се дружат со фановите.

Македонската водителка Ирена Спировска изминатиот период најголемиот дел од времето го поминуваше во својот дом, на работа, или некаде во природа, на планинирање.

фото: Принтскрин/инстаграм/иренаспировска

Деновиве, таа ги сумираше впечатоците од 2020та година, па во еден цитат опиша што научила од годината која наскоро ќе заврши.

фото: Принтскрин/инстаграм/иренаспировска

„Оваа година не беше за да добиеме сè што сакаме. Оваа година беше да научиме да цениме сè што имаме“, напиша Спировска.

фото: Принтскрин/инстаграм

Годината на короната не потсети дека треба да го чуваме своето здравје, да го сакаме она што го имаме, зашто не знаеме што не чека утре.

Останати вести од Радио Милева