Мегафон
Почивај во мир

Почина познатиот македонски актер Митко Апостоловски

Почина познатиот македонски актер Митко Апостоловски

Македонскиот актер Митко Апостоловски почина на 67 годишна возраст.

Неговиот колега Петар Горко преку социјалната мрежа Фејсбук се прости од него.

– Почивај во мир, колега, пријателе, прекрасен човеку. Неизмерна загуба чувствувам. Нека ти е вечен споменот, напиша Горко.

Митко Апостоловски е роден во Битола на 7 март 1955. Дипломирал на Вишата музичка школа во Скопје (Отсек за драмски глумци). Работел во Народниот театар во Битола (1973 — 1974) и во Народниот театар во Куманово (1980 — 1995).

Од 1995 година е повторно е член на ансамблот во Народниот театар во Битола.Театарската публика ќе го памети по неговите маестрални улоги: Фезлиев (“Црнила”), Војдан (“Тетовирани души се враќаат дома”), Креонт (“Медеја”), Дидро (“Развратникот”)…

Беше дел од актерската екипа и на познатите ТВ серии: “Наши години”, “Илинден”, “Белото циганче”, “Тврдокорни”…

Неговата актерска кариера ја одбележаа и бројни филмски улоги во:”Бог да ги убие шпионите”, “Заборавени”, “Големата вода”, “Трето полувреме”, “До балчак”, “Последниот македонец” и други.

Неговите пријатели, соработници и колеги се простуваат од него со емотивни пораки на социјалните мрежи…

фото:фејсбук/Јутјуб принтскрин