Мегафон

Во чест на легендарниот композитор на филмска музика: Нов албум на Енио Мориконе – „Morricone Segreto“

Во чест на легендарниот композитор на филмска музика: Нов албум на Енио Мориконе – „Morricone Segreto“

Посмртен албум на италијанскиот композитор Енио Мориконе, беше претставен на Интернет. Колекцијата го носи насловот „Мориконе сегрето“ (Morricone Segreto).

Мориконе почина во јули годинава.

Албумот содржи 27 дела напишани од композиторот меѓу 1960-тите и 80-тите. Од нив, седум се досега необјавени, а има и помалку познати, иновативни и експериментални мелодии создадени од маестрото на филмската музика.

„Секоја песна е полна со значење, смисла за хумор, интензивно оркестрирање и со немирниот дух на композиторот. Во ’Мориконе сегрето’ авторот се претставува во својата најсјајна и најпрепознатлива форма. Тоа е вечна музика“, се вели во соопштението.

Колекцијата ќе биде издадена на ЦД и лонг-плеј плоча. Албумот ќе може да се слуша и симнува и на легалните интернет-платформи.