Мегафон
филмски фестивал

„Синедејс 2018“ од 8 до 18 ноември во МКЦ

„Синедејс 2018“ од 8 до 18 ноември во МКЦ

Во периодот од 8 до 18 ноември во организација на Младинскиот културен центар ќе се одржи седумнаесеттото издание на меѓународниот фестивал на европски филм „Синедејс“.

Годинешниот фестивал нуди филмови што „гравитираат“ во неколку веќе познати програмски целини: Официјална селекција, CineBalkan, Гала-програма, Музички документарци, МК во ЕУ програма, Ретроспектива на Милош Форман, ЕYE ON FILMS, МК – кратки филмови, Студентска програма, Детска програма, special screenings и богата придружна програма од работилници и богата музичка селекција од концерти во специјалната програма на фестивалот, CineMusic.

Гала-програмата изобилува со врвни режисерски имиња и наградувани филмови на фестивалите вo Кан, Сан Себастијан, Венеција, Берлин, Ротердам… Од вкупно 21 филм во Гала-програмата, љубителите на европскиот филм ќе можат да ја погледнат следнава селекција: Don’t worry he won’t get far on foot на Гус Ван Сант, The House that Jack build на Ларс вон Трир, Suspiria на Лука Гуадаџнино, The Man who killed Don Quixote на Тери Гилиам, Peterloo на Мајк Леих, Sunset, на Ласло Немес, The Happy Prince, на Руперт Еверет, Everybody knows, на Асгар Фархади, Cold War, на Павел Павликовски, Walking to Paris, на Питер Гринвеј, The white crow, а Ралф Фајнс, The death and life of Jason F Donovan, на Хавиер Долан, Shoplifters, на Хироказу Корида, Loro, на Паоло Сорентино, Le livre d’image на Жан Лук Годар, Dogman, на МАтео Гароне, Non Fiction, на Оливер Асајас, Isle of Dogs на Вес Андерсон, The Darkest Hour, на Џо Рајт, The Phantom Thread на Пол Томас Андресон, Black KKKlansman на Спајк Ли.

На „Синедејс“ специјално допатува и филмот The Favorite на Јоргос Лантимос, филм чијашто премиера се случи на овогодишното издание на Венецискиот фестивал, а ќе почне да се прикажува во кината дури следната година.

На фестивалот ќе се одржи и долгочекуваната македонска премиера на филмот „Хеј“ на македонскиот режисер Васил Христов.

Жири-комисијата во официјалната селекција ја сочинуваат Верица Недеска – актерка, Бригита Матнеј, финансиски консултант од германскиот фонд Bradenburg Medienboard и професорката по филм и теоретичарка Александра Накиелски.