Мегафон

Македонија во втората полуфинална вечер на „Евровизија 2019“ (ВИДЕО)

Македонија во втората полуфинална вечер на „Евровизија 2019“ (ВИДЕО)

Подготовките за 64. издание на „Евровизија“ се веќе во полн ек, а со влечење жрепка денеска беше утврдено и кои земји ќе се натпреваруваат во двете полуфинални вечери на 14 и на 16 мај. Македонија, односно нашата претставничка Тамара Тодевска ќе ја видиме во вториот дел од втората полуфинална вечер на 16 мај, кога ќе се натпреварува заедно со колегите од Албанија и Хрватска, воедно и единствените земји од регионот во оваа вечер.

Освен распределбата на 36-те полуфиналисти, утврдено беше и во која од полуфиналните вечери ќе гласаат земјите од „големата петка“ и домаќинот Израел, така што во првата полуфинална вечер ќе гласаат Шпанија, Франција и Израел, а во втората Германија, Италија и Велика Британија.

МРТ и Тамара допрва треба да го одберат и авторскиот тим што ќе ја создаде евровизиската песна. „Вечно втората“ пејачка се надева дека барем 2. место ќе го освои и на овој фестивал, а со каква композиција ќе настапи во Тел Авив ќе дознаеме наскоро.

Како и секогаш, официјалниот редослед ќе биде одреден непосредно пред евровизиската недела, а која земја во која полуфинална вечер ќе настапува дознајте во продолжение.

Прва полуфинална вечер (14 мај)
Прва половина
  • Словенија
  • Белорусија
  • Чешка
  • Црна Гора
  • Кипар
  • Србија
  • Финска
  • Полска
  • Унгарија
Втора половина
  • Естонија
  • Португалија
  • Сан Марино
  • Исланд
  • Грузија
  • Австралија
  • Белгија
  • Украина
  • Грција
Втора полуфинална вечер (16 мај)
Прва половина
  • Швајцарија
  • Шведска
  • Ирска
  • Австрија
  • Молдавија
  • Летонија
  • Романија
  • Данска
  • Ерменија
Втора половина
  • Албанија
  • Азејбејџан
  • МАКЕДОНИЈА
  • Норвешка
  • Русија
  • Холандија
  • Хрватска
  • Литванија
  • Малта