Мегафон
Танц спектакл

„Икс Денс“ го слави танцот во сите форми

„Икс Денс“ го слави танцот во сите форми

На 17-ти и 18-ти јуни во Македонскиот Народен Театар  во Скопје ќе се одржи  ИКС ДЕНС 2018, меѓународен натпревар во кореографија. Натпреварот е во недела од 13 ч., а Гала концертот во понеделник од 19 ч.

За наградата ГранПри ќе се борат учесници од  Русија, Италија,Велика Британија, Украина, Словенија, Казахстан и Македонија. ИКС ДЕНС го слави танцот во сите форми,  од класичен балет, современ танц  до шоу денс, фолклор и народно – сценски танци.

Публиката ќе може да ужива во  инвентивни кореографии, извонредни изведби и костими.  На овој фестивал, кој станува еден од најреномираните во регионот, се натпреваруваат танчери од сите возрасни категории во различни танцови дисциплини.

На најдобриот учесник според меѓународното жири, ќе му биде доделена наградата Гран При, парична награда од 1000 долари и оригинални охридски бисери од семејството Филеви.

Во понеделник, 18.06. во 19 ч. ќе започне вистински танц спектакл, Гала концерт со дел од најубавите настапи од претходниот ден. Влезниците за натпреварот и за Гала концертот се во продажбана билетарата на МНТ по симболична цена од 100 денари.