Мегафон
ФФМ бара поддршка:

Гледајте ја Македонија со Полска и Австрија за 150 денари

Гледајте ја Македонија со Полска и Австрија за 150 денари

Македонската фудбалска репрезентација на 7. и 10. јуни против Полска и Австрија ги продолжува Европските квалификации за пласман на ЕУРО 2020.

По триумфот над Летонија и освоениот бод во Љубљана против Словенија, македонската репрезентација на Националната арена „Тодор Проески“ ќе се соочи со фаворитите во групата, репрезентациите на Полска и Австрија.

Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на „Рисовите“ да дојдат до вредни бодови и дополнително да се приближиме кон врвот во квалификациската група за пламан на ЕУРО 2020. Цената на влезниците изнесува од 150 денари.

Верните навивачи на нашата најдобра репрезентација од денеска ќе можат да купат билет за натпреварите против  Полска и Австрија преку продажната мрежа на MKTickets, на посебен пулт на ФФМ во Skopje City Mall (пред влезот на кафулето Play) и on-line на линкот: https://mktickets.mk/event/makedonija-polska/

Влезници ќе можат да се купат и на благајната на Националната арена „Тодор Проески“ од 1. јуни (сабота), а од 3. јуни (понеделник) и во Фудбалската федерација на Македонија, „Куќа на фудбалот“.

По првите две кола „црвено-жолтите“ имаат четири бода (победа над Летонија дома, и нерешено со Словенија, на гости).