Мегафон
концерт

Ѓоко Јовиќ со Енерџи Бенд го наполнија Валандово кое пулсира фестивалски

Ѓоко Јовиќ со Енерџи Бенд го наполнија Валандово кое пулсира фестивалски

Повеќе од два часа траеше вчеравечер, понеделник, 27 мај 2019, концертот на Ѓоко Јовиќ и „Енерџи Бенд“ на плоштадот во Валандово, со што беше најавено годинашново издание на најстариот македонски фестивал на  новокомпонирана народна песна -,,Фолк Фест Валандово’’. Јовиќ кој во 2006 тата со песната ,,Црвена вишна’’ победи на овој фестивал, пред присутните гости, отпеа повеќе хитови од Фолк Фест , песни од својот репертоар но и од Тоше Проески.

Плоштадот во Валандово беше полн со гости кои уживаа во хитовските песни и забавата што ја понудија уметниците. Валандовчани коментираа дека никогаш досега немало таква раздвиженост во ова фестивалско гратче а угостителите се потрудија да одговорат на барањата на гостите кои ги имаше од целиот регион.

Годинава како увертира на Фолк Фест Валандово, организаторот – општина Валандово одлучи да воведе ,,Денови на музиката’’ односно да се одржуваат музички концерти на плоштадот. Вечерва според програмата свој концерт ќе има ,,Астра Бенд’’ додека утревечер Сузана Гавазова. Ревијалната вечер на фестивалот ќе биде во четврток додека финалната со новите 20 народни песни во петок.

Извор: Дрнка.мк