Мегафон
На 31 октомври во Домот на АРМ

Фолк фест „Филиграни 2018“ по 25-ти пат

Фолк фест „Филиграни 2018“ по 25-ти пат

Организаторите со пиетет го најавуваат големиот јубилеј-25 години постоење на фолк фестивалот „Филиграни 2018“.  Љубителите на фолк песната ќе имаат бесплатен влез на 31 октомври во салата на Домот на АРМ со почеток во 20 часот, каде ќе можат да ги прослеадат најновите фолк рефрени, а потоа и филигранските бисери… од овој фестивал на кој наградата за животно дело ќе и биде доделена на македонската фолк примадона, Виолета Томовска.

Филиграните ќе започнат со најслушаната песна меѓу два фестивала „Твојата хармоника“ во изведба на Јадранка и маестро Ристе Тушевски.
На јубилејното издание ќе бидат доделени две „Гран При“ награди во спомен на Гоце Аранаудов и Војо Стојаноски,  I,II,III награда од публика и жирито,  како и награда за најдобар аранжман во спомен на Јанко Узунов. Тука се и наградите за најдобар дебитант, најсвадбарска песна, интерпретатор, текст и сценски настап.

Покрај ТВ Сонце медиумски покровител традиоционално е и најтиражниот дневен весник Вечер кој деновиве слави јубилеј – 55 години постоење. Организациски директор е Зоран Десковски,а водителка по 25-ти пат ќе биде Катерина Стојановска Десковска, тв водител и новинар во МРТВ.

Филигранското фолк шоу, го сочинуваат 15 песни, како и видео проекција на делови од првите настапи на Филиграни на Војо Стојаноски, Гоце Арнаудов и Зоран Дамјанов.