Мегафон
посета на легендата

Андон Дончевски – првиот селектор на Македонија меѓу фудбалските репрезентативци: Шапката долу за чичко Дончо (ФОТО)

Андон Дончевски – првиот селектор на Македонија меѓу фудбалските репрезентативци: Шапката долу за чичко Дончо (ФОТО)

Македонската фудбалска селекција ги прави последните подготовки за претстојните два квалификациски натпревари во Лигата на нации, од кој првиот го играме дома, на арената „Филип втори“ в сабота, на 13 октомври во 20.45 часот.

И додека уигрувањето на тактиката на селекторот Игор Ангеловски трае, тренингот на македонските репрезентативци го посети една вистинска македонска фудбалска легенда – првиот селектор на репрезентацијата, единствениот Андон Дончевски.

Популарниот чичко Дончо дојде да им даде поддршка, поттик и дополнителен мотив на македонските репрезентативни асови, а неговиот совет отсекогаш „вредел злато“!

Шапката долу за чичко Дончо и громогласен аплауз од сите репрезентативци на чело со селекторот Ангеловски.

Прв пријде го испочитува и да се поздрави најискусниот и најдобриот – капитенот Горан Пандев.

Андон Дончевски беше селектор на македонската фудбалска репрезентација која го одигра првиот официјален натпревар токму на истот ден кога играме со Лихтенштајн – 13 октомври, само во 1993 година или пред цели 25 години во Крањ и ја декласираше Словенија со 4:1.

Посакуваме посетата на чичко Дончо „да фати маја“ и успехот од пред 25 години да се повтори и в сабота на мечот со Лихтенштајн.