Љубов и Секс

Отфрлена главната теорија зошто мажите не можат да имаат сексуален однос повеќе пати последователно

Отфрлена главната теорија зошто мажите не можат да имаат сексуален однос повеќе пати последователно

Долги години се веруваше дека хормонот пролактин е причината поради која што мажите треба да чекаат одредено време по оргазмот за повторно да имаат сексуален однос.

Без оглед на тоа што нивната желба за секс е голема, ретко кој од мажите може да доживее оргазам неколку пати по ред без пауза, но очигледно дека причината за тоа е друга.

Времето кое што е потребно за одмор се разликува од маж до маж, па така кај 18-годишните момчиња може да станува збор за пауза од само 15 минути, додека пак кај повозрасните мажи тоа може да се одложи и на 20 часа.

Истражувањето спроведено во 2013-та година сугерирало дека високото ниво на пролактин е поврзано со еректилната дисфункција и нискиот полов нагон.

Меѓутоа, научници од Португалија неодамна спровеле низа експерименти на глувците и откриле дека ниту зголемувањето ниту намалувањето на нивото на хормонот пролактин не влијае на намалувањето на либидото кај мажите.

Не успеале да дојдат до одговорот која е вистинската причина за тоа, но постојат неколку алтернативни теории кои што се сметаат за „виновници“, а тоа може да бидат сератонинот и допаминот.

Иако сè уште не постојат конкретни докази, научниците се согласни дека на падот на либидото најмногу можат да влијаат и консумирањето на различните лекови.

фото:точка.ком.мк