Живот и Стил

Кралски доручек: Рецепт за аргентинска кајгана со компир, шунка и кромид

Кралски доручек: Рецепт за аргентинска кајгана со компир, шунка и кромид

Крцкавите компири, шунката или сланината и јајцата се главните состојки за неодоливите аргентински матени јајца – revuelto Gramajo. Нема едногласен одговор на прашањето кој бил Грамајо.

Додека некои велат дека тоа е полковникот опишан од Феликс Луна во романот „Soy Roca“, помошник на генералот Рока, други ќе речат дека пржените јајца своето име му го должат на сточарот Артур Гремеј, кој се вратил доцна една ноќ од прејадување, испекол јајца со помфрит и ги јадел со варена шунка.

Но, без разлика на неговиот творец, аргентинските матени јајца се вкусни и заситувачки, а можете лесно да ги подготвите сами и да додадете уште неколку состојки по желба, како на пример варен грашок.

Состојки:

2 компири
масло за пржење
маслиново масло
1 кромид
1 чешне лук
150 гр чадена шунка
5 јајца
1 млад кромид
сол и бибер по вкус

Подготовка:

Измијте ги и излупете ги компирите. Исечете ги по должина, а потоа секое парче исечете го по должина на тенки стапчиња. Ставете ги во сад со вода и оставете ги да отстојат пет минути.

Исцедете ги и исушете ги со хартиени крпи.

Загрејте го маслото и пржете ги компирите 20 минути или додека не поруменат и не станат крцкави. Извадете го и исцедете го на хартиени крпи.

Во голема тава загрејте две лажици маслиново масло. Додадете ги сечканиот кромид и лукот и пржете додека кромидот не стане проѕирен. Додадете ја сечканата шунка. Вкусете и, доколку е потребно, ставете бибер и сол. Во тавата се додаваат пржените компири и се додаваат изматените јајца. Промешајте и варете една минута.

Тргнете ја тавата од оган и продолжете со мешање додека сè не се премачка со јајце. Додадете го сечканиот кромид и измешајте да се соедини.

Послужете веднаш.

извор:попара.мк