Мегафон

Концерт во МКЦ: ЗЏМ Биг бенд оркестар и македонските гитарски херои

Концерт во МКЦ: ЗЏМ Биг бенд оркестар и македонските гитарски херои
На 24 август, со почеток од 21ч., во Паркот пред МКЦ ќе се одржи концертот под наслов – ZJM Big Band Orchestra & Macedonian Guitar Heroes.
Станува збор за несекојдневен и единствен настан кој на иста сцена ќе ги обедини сите најдобри македонски гитаристи, придружувани од ЗЏМ Биг Бенд Оркестарот, под диригентство на Џијан Емин.
Петар Ренџов, Игор Атанасовски Харе, Венко Серафимовски, Влатко Стефановски, Димитар Божиков, Ади Имери, Зоран Костадиновски, Саша Спасовски Крокер, Предраг Икономовски, Александар Поп Христов.
Ова се десетте македонски херои на гитара кои ќе бидат дел од овој настан кој ќе претставува своевиден самит на најдобрите гитаристи од Македонија,
На програмата ќе бидат изведени светски познати џез класици, аранжирани за Биг Бенд изведба од страна на членови на ЗЏМ – Зоран Костадиновски, Трајче Велков, Гордан Спасовски, Сашко Николовски, Дамир Имери и Џијан Емин.
Не ја пропуштајте единствената можност да бидете дел од овој настан и навреме набавете си билети кои по цена од 500 денари може да се купат online на kupikartizase.com, mktickets.mk, преку сајтот или на билетарата на МКЦ.
Билетите за концертот се веќе во продажба и истите се во ограничен број. Билетите се за седење, при што ќе бидат запазени мерките за заштита од Ковид. Ве очекуваме, повторно заедно да ја поддржиме македонската џез сцена!