Живот и Стил

Количината на стрес влијае и на нашата кожа: Дознајте што се „стрес акни“

Количината на стрес влијае и на нашата кожа: Дознајте што се „стрес акни“

Постојаните акни во зрелата возраст се секако нешто што посакуваме да го оставиме зад нас во тинејџерските денови. Има моменти кога избувнувањето на акните кај возрасните може да укаже на поголем проблем, надвор од општото објаснување за затнати пори. Стресот и хормоните можат да предизвикаат појава на акни на лицето.

Што се стресни акни?
„Кога доживувате стрес, вашите хормони на стрес се зголемуваат и ги поттикнуваат вашите лојни жлезди да произведуваат повеќе масло, што потоа предизвикува акни“, објаснува д-р Дона Харт за „Бирди“.

Ако забележите дека вашите акни се појавуваат главно за време на менструацијата, веројатно имате хормонални акни, а не акни поврзани со стрес.

– Хормоналните промени, главно зголеменото ниво на андрогени, ги имаат истите ефекти врз лојните жлезди. Разликата е во следењето на предизвикувачите на акни, на пример, по периоди на стрес наспроти поредовните акни што се појавуваат со месечните менструални циклуси.