Мегафон

Денови на македонската култура во Белград: Вечер посветена на Васил Хаџиманов

23. мај 2023. @ 14:47 timelapse 1 мин.
Денови на македонската култура во Белград: Вечер посветена на Васил Хаџиманов

Во рамките на манифестацијата Денови на македонската култура, „Допир на Македонија“ што годинава по 13-ти пат се одржува во Белград, во организација на здружението „Македониум“ од Белград, денеска ќе се одржи вечер посветена на Васил Хаџиманов.

По тој повод ќе биде прикажан документарниот филм „Фениксот од Кавадарци“ на Мишо Нетков, а дека музиката што Васил Хаџиманов ја собирал и сочувал од заборав сè уште се изведува и на овие простори ќе покаже КУД „Васил Хаџиманов“ од Јабука со својата пејачка и фолклорна група, која годинава го одбележува големиот јубилеј 60 години постоење и ансамблот „Македониум“ од Белград.Програмата ќе биде одржана во големата сала на ПАН театарот од 19 часот.

Манифестацијата  Денови на македонската култура, „Допир на Македонија“ традиционално ја поддржуваат Македонскиот национален совет, Министерството за култура на Република Србија и претпријатието Алкалоид.

Тагови:
Vistina
Vistina.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Поврзани вести

Останати вести од Мегафон