Промотер
малку поинаква

„Ако утре ме нема“ на ДНК доби српска верзија испеана од Џенан Лончаревиќ (видео)

„Ако утре ме нема“ на ДНК доби српска верзија испеана од Џенан Лончаревиќ (видео)

„Ако утре ме нема“ е последната и најнова песна на r&b дуото ДНК која уште по излегувањето стана хит кој се пушта во сите дискотеки, се врти по радиостаниците, а растат и прегледите на интернет каналот Јутјуб.

Панчо и Лазар Цветковски кои ја потпишуваат музиката, а Панчо и текстот, се особено горди што ова нивно дело го отпеа на српски јазик популарниот поп-фолк пејач Џенан Лончаревиќ.

Препевот пак, го направи Сергеј Ќетковиќ, а звучи доста оригинално на првосоздаденото.

За само два дена песната на Јутјуб има над сто илјади прегледи и доста ласкави коментари на оние кои само слушаат, но не обрнуваат внимание на авторството и тоа дека песната е препеана од македонски јазик, па сите заслуги отидоа кај Џенан.

Сепак, се најдоа и такви во коментари под видеото да потсетат дека песната е на македонското дуо ДНК и е преработка, а песната првично е македонска.

Вака или така, на нашите автори им одговара слушаноста, па Панчо и Лазар авторските права ќе ги добиваат од две земји.

Во продолжение преслушајте ја „Ако сутра ме нема“.

фото:Јутјуб принтскрин

Останати вести од Промотер